Kagiatanana dina widang koperasi ti alam penjajahan keneh, nepi ka ahirna dina jaman pamarentahan Bung Karno, pamarentah ngadegkeun Departemen Koperasi. Dina widang kamiliteran kungsi jadi tentara Peta, TNI Angkatan Darat, ari pangsiunna mah ti TNI Angkatan Udara. Kungsi jadi anggota JOP, KBI, Persitas, malahan jadi wartawan Cipatahoenan. Bulan Agustus loba tanggal anu penting.
Tokoh Koperasi Jawa Barat
Masalah perkoperasian sacara prinsip, sabenerna dina jaman Walanda mangrupa kumpulan ti bangsa anu kajajah, nu ilahar disebut kaom Pribumi, anu babarengan sacara gotong royong nyieun beungkeutan nu disebut koperasi. Harita mah kumpul-kumpul teh disengker sanajan henteu nganut hiji aliran pulitik oge. Jadi koperasi teh ngan dilaksanakeun ku kaom Bumiputera alias Pribumi, atawa nu sok disebut Inlander, sama sakali lain mangrupa kahayang pamarentah Walanda. Sabada urang merdeka, kakara koperasi teh meunang tempat boh di kalangan pamarentahan atawa lembaga-lembaga pamarentah jeung partikulir.
Sanggeus urang merdika, kungsi aya Dirjen Koperasi jeroeun Departeman Transkopemada (Transmigrasi, Koperasi, Pembangunan Masyarakat Desa), nu saterusna mandiri jadi Departemen Koperasi. Ahir-ahir ieu sabada aya reformasi robah deui jadi Kantor Menteri Negara Urusan Koperasi + UKM (Usaha Kecil Menengah).
Pa Oejo pantes dijadikeun salasaurang tokoh koperasi di Jawa Barat lantaran andilna dina widang perkoperasian, malahan dugi ka tilarna oge Pa Oejo teh masih keneh nyangking kalungguhan salaku Ketua KUD di Desa Indihiang, Kabupaten Tasikmalaya. (KUD Parisuka = Ciawipari-Sukamaju, Kacamatan Indihiang). Ku kituna, dina pangeling-eling Hari Koperasi tanggal 12 Juli 1996 ku alpukahna Departemen Koperasi, di makamna diayakeun Upacara Hari Koperasi sarta ka kulawargana dititipkeun sumbangan ti Departemen Koperasi pikeun mantuan mulasara makamna.
Dina widang perkoperasian, dina taun 1934 Pa Oejo babarengan jeung Pa Djumarma (suwargi) sarta Pa Djajawinata (suwargi), ngadegkeun Bank Koperasi SPB (Simpay Pameungkeut Banda) di Tasikmalaya, malahan Pa Oejo ketuana nu munggaran, nepi ka taun 1942. Basa ngadegkeun SPB teh Pa Oejo dines di BPP (Bale Pamoelangan Pasoendan) Tasikmalaya nu dipingpin ku R. Soetisna Sendjaja. Sabada dines di RR (Regentschaaft Raad, kantor Bupati), Pa Oejo oge jadi salasaurang anu marajian ngadegna PKKT (Perkoempoelan Koperasi Kaboepaten Tasikmalaya).
Sabada jadi tentara (AURIS) antara 1957-1958, Pa Oejo sarta Dr. Joewono ngadegkeun PUKADARA (Pusat Koperasi Anggota Angkatan Udara) sarta JAKADARA. Kiwari Pukadara jadi Inkopau sedengkeun Jakadara jadi Yayasan Adhi Upaya. Antara taun 1959-1967 Pa Oejo jadi Wakil Ketua Umum Induk Koperasi AU (Pukadara) di Jakarta.
Masalah perkoperasian sacara prinsip, sabenerna dina jaman Walanda mangrupa kumpulan ti bangsa anu kajajah, nu ilahar disebut kaom Pribumi, anu babarengan sacara gotong royong nyieun beungkeutan nu disebut koperasi. Harita mah kumpul-kumpul teh disengker sanajan henteu nganut hiji aliran pulitik oge. Jadi koperasi teh ngan dilaksanakeun ku kaom Bumiputera alias Pribumi, atawa nu sok disebut Inlander, sama sakali lain mangrupa kahayang pamarentah Walanda. Sabada urang merdeka, kakara koperasi teh meunang tempat boh di kalangan pamarentahan atawa lembaga-lembaga pamarentah jeung partikulir.
Sanggeus urang merdika, kungsi aya Dirjen Koperasi jeroeun Departeman Transkopemada (Transmigrasi, Koperasi, Pembangunan Masyarakat Desa), nu saterusna mandiri jadi Departemen Koperasi. Ahir-ahir ieu sabada aya reformasi robah deui jadi Kantor Menteri Negara Urusan Koperasi + UKM (Usaha Kecil Menengah).
Pa Oejo pantes dijadikeun salasaurang tokoh koperasi di Jawa Barat lantaran andilna dina widang perkoperasian, malahan dugi ka tilarna oge Pa Oejo teh masih keneh nyangking kalungguhan salaku Ketua KUD di Desa Indihiang, Kabupaten Tasikmalaya. (KUD Parisuka = Ciawipari-Sukamaju, Kacamatan Indihiang). Ku kituna, dina pangeling-eling Hari Koperasi tanggal 12 Juli 1996 ku alpukahna Departemen Koperasi, di makamna diayakeun Upacara Hari Koperasi sarta ka kulawargana dititipkeun sumbangan ti Departemen Koperasi pikeun mantuan mulasara makamna.
Dina widang perkoperasian, dina taun 1934 Pa Oejo babarengan jeung Pa Djumarma (suwargi) sarta Pa Djajawinata (suwargi), ngadegkeun Bank Koperasi SPB (Simpay Pameungkeut Banda) di Tasikmalaya, malahan Pa Oejo ketuana nu munggaran, nepi ka taun 1942. Basa ngadegkeun SPB teh Pa Oejo dines di BPP (Bale Pamoelangan Pasoendan) Tasikmalaya nu dipingpin ku R. Soetisna Sendjaja. Sabada dines di RR (Regentschaaft Raad, kantor Bupati), Pa Oejo oge jadi salasaurang anu marajian ngadegna PKKT (Perkoempoelan Koperasi Kaboepaten Tasikmalaya).
Sabada jadi tentara (AURIS) antara 1957-1958, Pa Oejo sarta Dr. Joewono ngadegkeun PUKADARA (Pusat Koperasi Anggota Angkatan Udara) sarta JAKADARA. Kiwari Pukadara jadi Inkopau sedengkeun Jakadara jadi Yayasan Adhi Upaya. Antara taun 1959-1967 Pa Oejo jadi Wakil Ketua Umum Induk Koperasi AU (Pukadara) di Jakarta.
Taun 1961-1967 jadi Ketua Harian INKOSI (Induk Koperasi Konsumsi). Peranan Pa Oejo dina mangsa-mangsa harita nya eta jadi anggota Panitya MUNASKOP I di Surabaya, babarengan jeung Prof. Dr. Soebroto (Mentamben manten). Ku ayana Munaskop I, pamarentah ahirna ngabentuk Departemen Transkopemada, samemeh engkena husus pikeun koperasi mah jadi Departemen Koperasi.
Pa Oejo oge kapeto jadi anggota pangurus ISRI (Koperasi Persutraan), panasehat INKOSI, Ketua II Dewan Koperasi Indonesia Tasikmalaya, sarta pamungkas jadi Ketua KUD Parisuka Desa Indihiang, Tasikmalaya.
Riwayat Pa Oejo
Soerjo Argawisastra teh kalahiran Indihiang tanggal 7 Juli 1914, anak lalaki ti pasangan M. Argawisastra nu kungsi jadi guru SR di Indihiang jeung di kota Tasikmalaya, sarta Nyimas Sarianingrum. Rakana mah istri, jenenganana Siti Rokayah.
Pa Soerjo kungsi sakola di HBS (Hogere Burgerschool) nepi ka kelas lima. Nuluykeun sakola di MULO Pasundan afdeling B, tamat taun 1933. Kungsi kursus administrasi jeung kursus notaris. Di katentaraan kungsi kursus Keirikan di jaman Jepang, pikeun jadi Keiri Tyudantjo. Sedengkeun di AURI kungsi milu LDK (Latihan Dasar Kemiliteran), SIS (Sekolah Ilmu Siasat), KSP (Kursus Staf Pertama cq Staf College) sarta pangahirna SESKAU (Sekolah Staf dan Komando Angkatan Udara).
Dina jaman Walanda, Pa Oejo kungsi jadi Kepala Keuangan Hoofbestuur BPP (Bale Pamoelangan Pasoendan) Tasikmalaya taun 1934-1943. Taun 1937 jadi kepala keuangan di Kabupaten Tasikmalaya samemeh jadi tentara PETA. Nya ti harita Pa Oejo ngalaksanakeun kagiatan sosial, boh ngadegkeun koperasi, kapanduan, maen bal, jeung sajabana.
Pajoang Kamerdekaan
Di Katentaraan Pa Oejo kungsi ngalaman tilu organisasi tentara, nya eta: di jaman Jepang jadi anggota Peta, sabada merdeka jadi anggota Angkatan Darat, sarta jadi anggota Angkatan Udara.
Taun 1942 sabada Walanda asor ku Jepang nu saterusna ngajajah nagara urang, Pa Oejo kapapancenan ngadegkeun PBO (Pendjaga Bahaja Oedara), sarta nyiapkeun bantuan geusan Perang Asia Timur Raya anu ku Jepang dijadikeun dadasar sangkan bisa ngajajah nagara sejen, meunang.
Sataun ti harita Pa Oejo “ngiles” ti Indihiang, singhoreng dididik jadi tentara sukarela PETA di KW (Koningklijke Wilhelmina) III di Salemba, Jakarta. Oge kursus Keirikan pikeun jadi Keirikan Tyudantjo (opsir administrasi PETA) di Priangan Gyugun Dai I anu markasna (daidang) di Bandung sarta terus pindah ka Tasikmalaya.
Tanggal 17 Agustus 1945 Proklamasi Kamerdekaan Republik Indonesia diumumkeun ku Bung Karno. Pa Oejo ngagabung ka BKR (Badan Keamanan Rakyat) anu engkena jadi TKR (Tentara Keamanan Rakyat), TRI (Tentara Republik Indonesia) sarta akhirna jadi TNI (Tentara Nasional Indonesia). Nya babarengan jeung Pa Abdul Haris Nasution (Menhankam manten) jeung sababaraha urang rerencangan ngadegkeun resimen anu engkena jadi Divisi (Kodam) Siliwangi.
Pa Oejo oge kungsi jadi Kepala Keuangan + Intendans Divisi III TKR/TRI di Tasikmalaya kalawan pangkat Mayor. Saterusna jadi Wakil Kepala Keuangan Komandemen TNI Jabar di Purwakarta kalawan pangkat Letnan Kolonel. Saterusna jadi Kepala Jawatan Perlengkapan + Pemeriksa Keuangan Divisi I (Siliwangi) di Bandung. Pamungkas jadi Kepala Bagian Organisasi Jawatan Perlengkapan Angkatan Perang Kementerian Pertahanan di Yogyakarta, nepi ka taun 1949.
Di antara rerencanganana jaman di Angkatan Darat diantarana: Oejeng Soewargana, Amir Machmud, Partadidjaja, Sape’i, Machmud Wangsadinata, Soeprajogi.
Di MBT (Markas Besar Tentara) Yogya taun 1949 aya rasionalisasi gede-gedean, reorganisasi jeung kapangkatan diturunkeun satingkat. Pa Oejo jeung 45 urang sejenna henteu narima kana eta reorganisasi sarta kaluar tanpa surat kaputusan.
Meunang sababaraha bulan, Pa Oejo aya di Bandung bari teu puguh cabak, malahan nepi ka kungsi dipenjara lantaran dituduh mata-mata Republik ku Walanda. Kaluar ti bui, Pa Oejo ku pitulung sobatna diajak gawe di Departemen Pendidikan di Jakarta, ngan teu lana.
Taun 1950 Pa Oejo dipasrahan jadi KSA I Planning dan Peraturan di MBAU (Markas Besar Angkatan Udara) Jakarta kalawan pangkat Letnan Udara I di AURIS (Angkatan Udara Republik Indonesia Serikat). Taun eta keneh dialihtugaskeun ka Yogyakarta, jadi Komandan Pangkalan Udara Maguwo (ayeuna: PU Adisucipto).
Taun 1953 pindah ka Bandung jadi Komandan Pendidikan sakaligus Komandan Pangkalan Udara Margahayu (kiwari: PU Sulaeman) nepi ka pangkat Kapten Udara.
Taun 1958 pindah tugas deui ka MBAU di Jakarta kalawan tugas jadi Hakim Perwira di Pengadilan Tentara sa- Indonesia. Di Jakarta pundah-pindah jabatan jadi Kepala Biro Perundang-undangan TNI-AU, Kepala Biro Pengawas Keuangan AU, Sekretaris PEPERPU, Wakil Direktur PUKADARA. Malahan kungsi jadi wawakil AURI di DPR-GR/MPRS tepi ka taun 1969.
Sabada ngarengsekeun SESKAU di Lembang, Pa Oejo dialihtugaskeun jadi Direktur Perum DAHANA di Pangkalan Udara Cibeureum, Tasikmalaya nepi ka pangsiun ti AURI taun 1974.
Salila di AURI, Pa Oejo kungsi dua kali ka luar negeri, nya eta taun 1963- 1965 dikirim ku Gerakan Koperasi pikeun ngaluuhan seminar, konferensi ngeunaan koperasi di Jerman jeung nagara-nagara Eropah sejenna. Anu kadua, studi banding ka Australia waktu jadi siswa SESKAU bulan Nopember 1967.
Maen Bal, Wartawan, Pandu
Salian aktip di koperasi jeung tentara, ti jaman keur ngora keneh Pa Oejo teh aktip dina organisasi kapamudaan jeung kapanduan. Kagiatan organisasi samemeh 17 Agustus 1945 diantarana kaasup pendiri jeung pengurus PERSITAS (Persatuan Sepakbola Indonesia Tasikmalaya), pendiri jeung ketua CKB (Chauffeurs Koersiers Bond = Pakumpulan kusir jeung tukang cukur) Tasikmalaya, Ketua Indonesia Muda Cabang Tasikmalaya, pengurus JOP (Jasana Obor Pasoendan), pengurus KBI (Kepanduan Bangsa Indonesia) Tasikmalaya.
Dina widang atikan Pa Oejo teh pangurus Perkumpulan Excursie Tasikmalaya, anggota pengurus yayasan BPI (Badan Perguruan Indonesia) Bandung. Sedengkeun dina widang kawartawanan jadi pembantu redaksi Cipatahoenan, Galih Pakuan, koresponden AID, Preanger Bode, Pemandangan, sarta Bintang Timur.
Kagiatan Pa Oejo sabada 17 Agustus 1945 nya eta: taun 1960-1967 anggota DPR-GR/MPRS; anggota pengurus Purnawirawan AURI, Bendahara Kopel Proguvri (Komando Pelaksana Proyek Gedung Veteran RI), anggota pengurus BPC Siliwangi DKI Jakarta, Ketua Umum KADIN Tasikmalaya, Ketua I PEPABRI Tasikmalaya, Penasehat PERSITAS.
Salajengna aya sababaraha kagiatan sosial anu dicangking ku Pa Oejo, diantarana: Ketua RT 17/14 Manggarai Selatan (1965-1969), Ketua POM (Persatuan Orangtua Murid) SD Menteng Pulo, Tebet (1967-1969), Bendahara RW 03 Kel.Manggarai Selatan (1965-1969) sadayana di Jakarta.
Durukan Leumpang
Di antara anekdote anu kungsi kapanggih waktos Pa Oejo alit keneh, nya eta pangalaman lucu anu dicarioskeun ku ramana dina buku catetan poean anu judulna Lalampahan Kuring di Dunya. Nya eta lalampahan nu kantos kajadian nalika Pa Oejo yuswana kirang langkung 4 taun. Harita teh ramana Pa oejo nyaeta Mas Argawisastra dialihkeun tugas ka Sumedang. Nya tangtos kedah laporan ka Pangeran Sumedang.
Perjalanan ti Tasikmalaya ka Sumedang diantarana aya perjalanan nu make kareta api, nya eta ti Cirebon ka Kadipaten. Harita teh Oejo leutik nuju teu damang. Waktu kareta api eureun, Oejo leutik kaluar tina kareta tuluy leuleumpangan nuju ka lokomotif. Lokomotif jaman harita mah sistem pembakaranana make kai biasa (suluh) lain batubara. Henteu cara ayeuna make solar pikeun kareta api nu make mesin diesel.
Mireungeuh hal eta Soerjo leutik narik kacindekan, yen kareta api bisa jalan teh make durukan (api unggun). Geuwat anjeunna muru ka tempat ramana. Ana celengkeung teh, “Engkah …… aya durukan leumpang ! Tuh pangpayunna …….. !"
Nu nulis oge kaget maca ieu lalampahan. Tapi tangtu eta bakal kajadian. Hiji kacindekan dumasar logika anu bener. Yen kareta api harita lokomotifna jeg bae durukan leumpang!
Ahli Pidato
Anjeunna teh ahli pidato. Ampir di unggal pasamoan anu diluuhan, anjeunna sok diangken kana pidato, maparin sambutan atanapi masrahkeun dina acara pernikahan. Kitu deui dina tanggal 17 Desember 1976 dina acara perpisahan SD Negeri Indihiang anjeunna kapeto maparin sambutan. Tah, waktos namatkeun kalimah “Wabillahi taufiq walhidayah……”, anjeunna roboh. Pupus sapada harita.
Almarhum pupus ngantunkeun dua istri. Putrana aya 16 urang, 9 pameget sareng 7 istri. Putra-putrina teh, nyaeta:
Di antawis para putrana anu nurun kana kagiatan katentaraan mung saurang, nya eta Peltu (Purn) Edo Soewondho. Anu kagiatanana dina widang pendidikan, kapanduan jeung wartawan ngan saurang, nya eta Djodi Prihatna, A.Md- MG. Sedengkeun anu dina widang organisasi wungkul aya dua nya eta Eddy Kiswara jeung Ir. Dully Rajendra Yudadhi, M.Si, anu dina widang pendidikan wungkul saurang nyaeta Ratna Noorganefi. Sedengkeun anu kungsi aktif dina widang koperasi aya dua, nyaeta Nana Purnama jeung Dr. Eppen Rukmadhi.
Muga ieu tulisan jadi eunteung pikeun balarea, utamana urang Sunda khususna mah ka para wargi di wewengkon Tasikmalaya. Anu singhoreng gaduh seueur tokoh pajuang jeung inohongna, lain ngan dina widang pulitik wungkul. Mugia. (Puspahiang).
Sumber : http://www.salaka.net/=53
***
Hal ieu dipost oge ka Group TTD ping 20 June 2010 at 9:09pm
Riwayat Pa Oejo
Soerjo Argawisastra teh kalahiran Indihiang tanggal 7 Juli 1914, anak lalaki ti pasangan M. Argawisastra nu kungsi jadi guru SR di Indihiang jeung di kota Tasikmalaya, sarta Nyimas Sarianingrum. Rakana mah istri, jenenganana Siti Rokayah.
Pa Soerjo kungsi sakola di HBS (Hogere Burgerschool) nepi ka kelas lima. Nuluykeun sakola di MULO Pasundan afdeling B, tamat taun 1933. Kungsi kursus administrasi jeung kursus notaris. Di katentaraan kungsi kursus Keirikan di jaman Jepang, pikeun jadi Keiri Tyudantjo. Sedengkeun di AURI kungsi milu LDK (Latihan Dasar Kemiliteran), SIS (Sekolah Ilmu Siasat), KSP (Kursus Staf Pertama cq Staf College) sarta pangahirna SESKAU (Sekolah Staf dan Komando Angkatan Udara).
Dina jaman Walanda, Pa Oejo kungsi jadi Kepala Keuangan Hoofbestuur BPP (Bale Pamoelangan Pasoendan) Tasikmalaya taun 1934-1943. Taun 1937 jadi kepala keuangan di Kabupaten Tasikmalaya samemeh jadi tentara PETA. Nya ti harita Pa Oejo ngalaksanakeun kagiatan sosial, boh ngadegkeun koperasi, kapanduan, maen bal, jeung sajabana.
Pajoang Kamerdekaan
Di Katentaraan Pa Oejo kungsi ngalaman tilu organisasi tentara, nya eta: di jaman Jepang jadi anggota Peta, sabada merdeka jadi anggota Angkatan Darat, sarta jadi anggota Angkatan Udara.
Taun 1942 sabada Walanda asor ku Jepang nu saterusna ngajajah nagara urang, Pa Oejo kapapancenan ngadegkeun PBO (Pendjaga Bahaja Oedara), sarta nyiapkeun bantuan geusan Perang Asia Timur Raya anu ku Jepang dijadikeun dadasar sangkan bisa ngajajah nagara sejen, meunang.
Sataun ti harita Pa Oejo “ngiles” ti Indihiang, singhoreng dididik jadi tentara sukarela PETA di KW (Koningklijke Wilhelmina) III di Salemba, Jakarta. Oge kursus Keirikan pikeun jadi Keirikan Tyudantjo (opsir administrasi PETA) di Priangan Gyugun Dai I anu markasna (daidang) di Bandung sarta terus pindah ka Tasikmalaya.
Tanggal 17 Agustus 1945 Proklamasi Kamerdekaan Republik Indonesia diumumkeun ku Bung Karno. Pa Oejo ngagabung ka BKR (Badan Keamanan Rakyat) anu engkena jadi TKR (Tentara Keamanan Rakyat), TRI (Tentara Republik Indonesia) sarta akhirna jadi TNI (Tentara Nasional Indonesia). Nya babarengan jeung Pa Abdul Haris Nasution (Menhankam manten) jeung sababaraha urang rerencangan ngadegkeun resimen anu engkena jadi Divisi (Kodam) Siliwangi.
Pa Oejo oge kungsi jadi Kepala Keuangan + Intendans Divisi III TKR/TRI di Tasikmalaya kalawan pangkat Mayor. Saterusna jadi Wakil Kepala Keuangan Komandemen TNI Jabar di Purwakarta kalawan pangkat Letnan Kolonel. Saterusna jadi Kepala Jawatan Perlengkapan + Pemeriksa Keuangan Divisi I (Siliwangi) di Bandung. Pamungkas jadi Kepala Bagian Organisasi Jawatan Perlengkapan Angkatan Perang Kementerian Pertahanan di Yogyakarta, nepi ka taun 1949.
Di antara rerencanganana jaman di Angkatan Darat diantarana: Oejeng Soewargana, Amir Machmud, Partadidjaja, Sape’i, Machmud Wangsadinata, Soeprajogi.
Di MBT (Markas Besar Tentara) Yogya taun 1949 aya rasionalisasi gede-gedean, reorganisasi jeung kapangkatan diturunkeun satingkat. Pa Oejo jeung 45 urang sejenna henteu narima kana eta reorganisasi sarta kaluar tanpa surat kaputusan.
Meunang sababaraha bulan, Pa Oejo aya di Bandung bari teu puguh cabak, malahan nepi ka kungsi dipenjara lantaran dituduh mata-mata Republik ku Walanda. Kaluar ti bui, Pa Oejo ku pitulung sobatna diajak gawe di Departemen Pendidikan di Jakarta, ngan teu lana.
Taun 1950 Pa Oejo dipasrahan jadi KSA I Planning dan Peraturan di MBAU (Markas Besar Angkatan Udara) Jakarta kalawan pangkat Letnan Udara I di AURIS (Angkatan Udara Republik Indonesia Serikat). Taun eta keneh dialihtugaskeun ka Yogyakarta, jadi Komandan Pangkalan Udara Maguwo (ayeuna: PU Adisucipto).
Taun 1953 pindah ka Bandung jadi Komandan Pendidikan sakaligus Komandan Pangkalan Udara Margahayu (kiwari: PU Sulaeman) nepi ka pangkat Kapten Udara.
Taun 1958 pindah tugas deui ka MBAU di Jakarta kalawan tugas jadi Hakim Perwira di Pengadilan Tentara sa- Indonesia. Di Jakarta pundah-pindah jabatan jadi Kepala Biro Perundang-undangan TNI-AU, Kepala Biro Pengawas Keuangan AU, Sekretaris PEPERPU, Wakil Direktur PUKADARA. Malahan kungsi jadi wawakil AURI di DPR-GR/MPRS tepi ka taun 1969.
Sabada ngarengsekeun SESKAU di Lembang, Pa Oejo dialihtugaskeun jadi Direktur Perum DAHANA di Pangkalan Udara Cibeureum, Tasikmalaya nepi ka pangsiun ti AURI taun 1974.
Salila di AURI, Pa Oejo kungsi dua kali ka luar negeri, nya eta taun 1963- 1965 dikirim ku Gerakan Koperasi pikeun ngaluuhan seminar, konferensi ngeunaan koperasi di Jerman jeung nagara-nagara Eropah sejenna. Anu kadua, studi banding ka Australia waktu jadi siswa SESKAU bulan Nopember 1967.
Maen Bal, Wartawan, Pandu
Salian aktip di koperasi jeung tentara, ti jaman keur ngora keneh Pa Oejo teh aktip dina organisasi kapamudaan jeung kapanduan. Kagiatan organisasi samemeh 17 Agustus 1945 diantarana kaasup pendiri jeung pengurus PERSITAS (Persatuan Sepakbola Indonesia Tasikmalaya), pendiri jeung ketua CKB (Chauffeurs Koersiers Bond = Pakumpulan kusir jeung tukang cukur) Tasikmalaya, Ketua Indonesia Muda Cabang Tasikmalaya, pengurus JOP (Jasana Obor Pasoendan), pengurus KBI (Kepanduan Bangsa Indonesia) Tasikmalaya.
Dina widang atikan Pa Oejo teh pangurus Perkumpulan Excursie Tasikmalaya, anggota pengurus yayasan BPI (Badan Perguruan Indonesia) Bandung. Sedengkeun dina widang kawartawanan jadi pembantu redaksi Cipatahoenan, Galih Pakuan, koresponden AID, Preanger Bode, Pemandangan, sarta Bintang Timur.
Kagiatan Pa Oejo sabada 17 Agustus 1945 nya eta: taun 1960-1967 anggota DPR-GR/MPRS; anggota pengurus Purnawirawan AURI, Bendahara Kopel Proguvri (Komando Pelaksana Proyek Gedung Veteran RI), anggota pengurus BPC Siliwangi DKI Jakarta, Ketua Umum KADIN Tasikmalaya, Ketua I PEPABRI Tasikmalaya, Penasehat PERSITAS.
Salajengna aya sababaraha kagiatan sosial anu dicangking ku Pa Oejo, diantarana: Ketua RT 17/14 Manggarai Selatan (1965-1969), Ketua POM (Persatuan Orangtua Murid) SD Menteng Pulo, Tebet (1967-1969), Bendahara RW 03 Kel.Manggarai Selatan (1965-1969) sadayana di Jakarta.
Durukan Leumpang
Di antara anekdote anu kungsi kapanggih waktos Pa Oejo alit keneh, nya eta pangalaman lucu anu dicarioskeun ku ramana dina buku catetan poean anu judulna Lalampahan Kuring di Dunya. Nya eta lalampahan nu kantos kajadian nalika Pa Oejo yuswana kirang langkung 4 taun. Harita teh ramana Pa oejo nyaeta Mas Argawisastra dialihkeun tugas ka Sumedang. Nya tangtos kedah laporan ka Pangeran Sumedang.
Perjalanan ti Tasikmalaya ka Sumedang diantarana aya perjalanan nu make kareta api, nya eta ti Cirebon ka Kadipaten. Harita teh Oejo leutik nuju teu damang. Waktu kareta api eureun, Oejo leutik kaluar tina kareta tuluy leuleumpangan nuju ka lokomotif. Lokomotif jaman harita mah sistem pembakaranana make kai biasa (suluh) lain batubara. Henteu cara ayeuna make solar pikeun kareta api nu make mesin diesel.
Mireungeuh hal eta Soerjo leutik narik kacindekan, yen kareta api bisa jalan teh make durukan (api unggun). Geuwat anjeunna muru ka tempat ramana. Ana celengkeung teh, “Engkah …… aya durukan leumpang ! Tuh pangpayunna …….. !"
Nu nulis oge kaget maca ieu lalampahan. Tapi tangtu eta bakal kajadian. Hiji kacindekan dumasar logika anu bener. Yen kareta api harita lokomotifna jeg bae durukan leumpang!
Ahli Pidato
Anjeunna teh ahli pidato. Ampir di unggal pasamoan anu diluuhan, anjeunna sok diangken kana pidato, maparin sambutan atanapi masrahkeun dina acara pernikahan. Kitu deui dina tanggal 17 Desember 1976 dina acara perpisahan SD Negeri Indihiang anjeunna kapeto maparin sambutan. Tah, waktos namatkeun kalimah “Wabillahi taufiq walhidayah……”, anjeunna roboh. Pupus sapada harita.
Almarhum pupus ngantunkeun dua istri. Putrana aya 16 urang, 9 pameget sareng 7 istri. Putra-putrina teh, nyaeta:
- Edo Soewondho,
- Entien Soerjatini,
- Jati Roekijah,
- Atik Swastika,
- Eppen Roekmadhi,
- Nana Poernama,
- Eddy Kiswara,
- Djodi Prihatna,
- Ningning Setyowati,
- Eka Surja Chandra,
- Agus Gatot Sambudhi,
- Ateng Komarudin Margajadi,
- Koni Faqih Djomantara,
- Dully Radjendra Yudadhi,
- Nanik Pramanik Tedjamaja,
- Ratna Noorganefi.
Di antawis para putrana anu nurun kana kagiatan katentaraan mung saurang, nya eta Peltu (Purn) Edo Soewondho. Anu kagiatanana dina widang pendidikan, kapanduan jeung wartawan ngan saurang, nya eta Djodi Prihatna, A.Md- MG. Sedengkeun anu dina widang organisasi wungkul aya dua nya eta Eddy Kiswara jeung Ir. Dully Rajendra Yudadhi, M.Si, anu dina widang pendidikan wungkul saurang nyaeta Ratna Noorganefi. Sedengkeun anu kungsi aktif dina widang koperasi aya dua, nyaeta Nana Purnama jeung Dr. Eppen Rukmadhi.
Muga ieu tulisan jadi eunteung pikeun balarea, utamana urang Sunda khususna mah ka para wargi di wewengkon Tasikmalaya. Anu singhoreng gaduh seueur tokoh pajuang jeung inohongna, lain ngan dina widang pulitik wungkul. Mugia. (Puspahiang).
Sumber : http://www.salaka.net/=53
***
Hal ieu dipost oge ka Group TTD ping 20 June 2010 at 9:09pm
No comments:
Post a Comment